Job 26 | SwhNEN | STEP | Kisha Ayubu akajibu:

‏ Job 26

Hotuba Ya Tisa Ya Ayubu

Ayubu Anajibu: Utukufu Wa Mungu Hauchunguziki

1 Kisha Ayubu akajibu:

2 ^a“Tazama jinsi ulivyomsaidia mtu asiye na uwezo!
Jinsi ulivyouokoa mkono ulio dhaifu!
3 ^bNi shauri gani ulilompa yeye asiye na hekima?
Nayo ni busara gani kubwa uliyoonyesha!
4 ^cNi nani aliyekusaidia kutamka maneno hayo?
Nayo ni roho ya nani iliyosema kutoka kinywani mwako?

5 ^d“Wafu wako katika maumivu makuu,
wale walio chini ya maji na wale waishio ndani yake.
6 ^eMauti ^{▼▼Yaani Kuzimu; Kiebrania ni Sheol.} iko wazi mbele za Mungu;
Uharibifu ^{▼▼Kwa Kiebrania ni Abadon.} haukufunikwa.
7 ^h ⁱHutandaza anga la kaskazini mahali patupu;
naye huiningʼiniza dunia mahali pasipo na kitu.
8 ^jHuyafungia maji kwenye mawingu yake,
hata hivyo mawingu hayapasuki kwa uzito wake.
9 ^kHuufunika uso wa mwezi mpevu,
akitandaza mawingu juu yake.
10 ^lAmechora mstari wa upeo juu ya uso wa maji,
ameweka mpaka wa nuru na giza.
11 ^mNguzo za mbingu nazo zatetemeka,
zinatishika anapozikemea.
12 ⁿKwa nguvu zake aliisukasuka bahari;
kwa hekima yake alimkata Rahabu ^{▼▼Rahabu hapa ni fumbo la kumaanisha Lewiathani, mnyama mkubwa wa baharini mwenye magamba anayefanana na joka kubwa, mwenye umbo la kutisha, asiyeweza kuvuliwa.} vipande vipande.
13 ^pAliisafisha anga kwa pumzi yake;
kwa mkono wake alimchoma joka aendaye mbio.
14 ^qHaya ni mambo madogo tu katika matendo yake;
tazama jinsi ulivyo mdogo mnongʼono tunaousikia kumhusu!
Ni nani basi awezaye kuelewa
ngurumo za nguvu zake?”