Mat 16:13-20 | SwhNEN | STEP | Basi Yesu alipofika katika eneo la Kaisaria-Filipi, akawauliza wanafunzi wake, “Watu husema kwamba mimi Mwana wa Adamu ni nani?”

‏ Matthew 16:13-20

Petro Amkiri Yesu Kuwa Ni Mwana Wa Mungu

(Marko 8:27-30; Luka 9:18-21)

13 ^aBasi Yesu alipofika katika eneo la Kaisaria-Filipi, akawauliza wanafunzi wake, “Watu husema kwamba mimi Mwana wa Adamu ni nani?”

14 ^bWakamjibu, “Baadhi husema ni Yohana Mbatizaji; wengine husema ni Eliya; na bado wengine husema ni Yeremia au mmojawapo wa manabii.”

15 Akawauliza, “Je, ninyi mnasema mimi ni nani?”

16 ^cSimoni Petro akamjibu, “Wewe ndiwe Kristo, ^{▼▼Kristo maana yake ni Masiya, yaani Aliyetiwa mafuta.} Mwana wa Mungu aliye hai.”

17 ^eNaye Yesu akamwambia, “Heri wewe, Simoni Bar-Yona, ^{▼▼Bar-Yona ni neno la Kiaramu, maana yake ni Mwana wa Yona.} kwa maana hili halikufunuliwa kwako na mwanadamu, bali na Baba yangu aliye mbinguni. 18 ^gNami nakuambia, wewe ndiwe Petro na juu ya mwamba huu nitalijenga kanisa langu, hata malango ya Kuzimu hayataweza kulishinda. 19 ^hNitakupa funguo za Ufalme wa mbinguni, na lolote utakalolifunga duniani litakuwa limefungwa Mbinguni, nalo lolote utakalofungua duniani litakuwa limefunguliwa mbinguni.” 20 ⁱ Kisha akawakataza wanafunzi wake wasimwambie mtu yeyote kwamba yeye ndiye Kristo.