Num 28:3-8 | SwhNEN | STEP | Waambie: ‘Hii ni sadaka ya kuteketezwa kwa moto mnayomtolea Bwana : wana-kondoo wawili wa mwaka mmoja wasio na dosari, kama sadaka ya kawaida ya kuteketezwa kila siku.

‏ Numbers 28:3-8

3 ^aWaambie: ‘Hii ni sadaka ya kuteketezwa kwa moto mnayomtolea Bwana: wana-kondoo wawili wa mwaka mmoja wasio na dosari, kama sadaka ya kawaida ya kuteketezwa kila siku. 4 ^bAndaa mwana-kondoo mmoja asubuhi na mwingine jioni, 5 ^ckila mmoja atolewe pamoja na sadaka ya nafaka sehemu ya kumi ya efa ^{▼▼Sehemu ya kumi ya efa ni sawa na kilo moja.} ya unga laini uliochanganywa pamoja na robo ya hini ^{▼▼Robo ya hini ni sawa na lita moja.} ya mafuta ya zeituni. 6 ^fHii ni sadaka ya kawaida ya kuteketezwa iliyoanzishwa katika Mlima Sinai kama harufu nzuri ya kupendeza, sadaka iliyotolewa kwa Bwana kwa moto. 7 ^gSadaka ya kinywaji itakayotolewa pamoja na kila mwana-kondoo ni robo ya hini ya kinywaji kilichochachuka. Mimina sadaka ya kinywaji kwa Bwana mahali patakatifu. 8 ^hAndaa yule mwana-kondoo wa pili jioni, pamoja na sadaka ya nafaka na sadaka ya kinywaji kama ulivyofanya kwa ile sadaka nyingine ya asubuhi. Hii ni sadaka iliyotolewa kwa kuteketezwa kwa moto, harufu nzuri ya kumpendeza Bwana.