‏ Psalms 136

Wimbo Wa Kumshukuru Mungu

1 ^aMshukuruni Bwana, kwa kuwa ni mwema.

Fadhili zake zadumu milele.
2 ^bMshukuruni Mungu wa miungu.

Fadhili zake zadumu milele.
3 ^cMshukuruni Bwana wa mabwana:

Fadhili zake zadumu milele.

4 ^dKwake yeye pekee atendaye maajabu makuu,

Fadhili zake zadumu milele.
5 ^eAmbaye kwa ufahamu wake aliziumba mbingu,

Fadhili zake zadumu milele.
6 ^fAmbaye aliitandaza dunia juu ya maji,

Fadhili zake zadumu milele.
7 ^gAmbaye aliumba mianga mikubwa,

Fadhili zake zadumu milele.
8 ^hJua litawale mchana,

Fadhili zake zadumu milele.
9Mwezi na nyota vitawale usiku,

Fadhili zake zadumu milele.

10 ⁱKwake yeye aliyemuua mzaliwa wa kwanza wa Misri,

Fadhili zake zadumu milele.
11 ^jNa kuwatoa Israeli katikati yao,

Fadhili zake zadumu milele.
12 ^kKwa mkono wenye nguvu ulionyooshwa,

Fadhili zake zadumu milele.

13 ^lKwake yeye aliyeigawa Bahari ya Shamu,

Fadhili zake zadumu milele.
14 ^mNa kuwapitisha Israeli katikati yake,

Fadhili zake zadumu milele.
15 ⁿLakini alimfagia Farao na jeshi lake katika Bahari ya Shamu,

Fadhili zake zadumu milele.

16 ^oKwake yeye aliyewaongoza watu wake katika jangwa,

Fadhili zake zadumu milele.
17 ^pAmbaye aliwapiga wafalme wenye nguvu,

Fadhili zake zadumu milele.
18 ^qNaye aliwaua wafalme wenye nguvu,

Fadhili zake zadumu milele.
19 ^rSihoni mfalme wa Waamori,

Fadhili zake zadumu milele.
20 ^sOgu mfalme wa Bashani,

Fadhili zake zadumu milele.
21 ^tAkatoa nchi yao kuwa urithi,

Fadhili zake zadumu milele.
22 ^uUrithi kwa Israeli mtumishi wake,

Fadhili zake zadumu milele.

23 ^vAliyetukumbuka katika unyonge wetu,

Fadhili zake zadumu milele.
24 ^wAlituweka huru toka adui zetu,

Fadhili zake zadumu milele.
25 ^xAmbaye humpa chakula kila kiumbe.

Fadhili zake zadumu milele.

26 ^yMshukuruni Mungu wa mbinguni,

Fadhili zake zadumu milele.