‏ 2 Samuel 22

Wimbo Wa Daudi Wa Sifa

(Zaburi 18)

1 ^aDaudi alimwimbia Bwana maneno ya wimbo huu wakati Bwana alipomwokoa mikononi mwa adui zake wote, na pia mkononi mwa Sauli. 2 ^bAkasema:

“Bwana ni mwamba wangu,
ngome yangu na mwokozi wangu,
3 ^cMungu wangu ni mwamba wangu,
ambaye kwake ninakimbilia,
ngao yangu na pembe ya wokovu wangu.
Yeye ni ngome yangu, kimbilio langu
na mwokozi wangu,
huniokoa kutoka kwa watu wenye jeuri.
4 ^dNinamwita Bwana, anayestahili kusifiwa,
nami ninaokolewa kutoka kwa adui zangu.

5 ^e“Mawimbi ya mauti yalinizunguka,
mafuriko ya maangamizi yalinilemea.
6 ^fKamba za kuzimu ▼

▼Kuzimu kwa Kiebrania ni Sheol, maana yake ni Shimo lisilo na mwisho.

zilinizunguka,
mitego ya mauti ilinikabili.
7 ^hKatika shida yangu nalimwita Bwana,
nilimlilia Mungu wangu.
Kutoka Hekaluni mwake alisikia sauti yangu,
kilio changu kikafika masikioni mwake.

8 ⁱ“Dunia ilitetemeka na kutikisika,
misingi ya mbingu ikatikisika,
vilitetemeka kwa sababu
alikuwa amekasirika.
9 ^jMoshi ukapanda kutoka puani mwake,
moto uteketezao ukatoka kinywani mwake,
makaa ya moto yawakayo
yakatoka ndani mwake.
10 ^kAkazipasua mbingu akashuka chini,
mawingu meusi yalikuwa chini ya miguu yake.
11 ^lAlipanda juu ya kerubi akaruka,
akapaa juu kwa mbawa za upepo.
12 ^mAlifanya giza hema lake la kujifunika:
mawingu meusi ya mvua ya angani.
13 ⁿKutokana na mwanga wa uwepo wake
mawingu yalisogea,
ikanyesha mvua ya mawe
na umeme wa radi.
14 ^o Bwana alinguruma kutoka mbinguni,
sauti ya Aliye Juu Sana ilisikika.
15 ^pAliipiga mishale na kutawanya adui,
umeme wa radi na kuwafukuza.
16 ^qMabonde ya bahari yalifunuliwa,
na misingi ya dunia ikawa wazi
kwa kukaripia kwake Bwana,
kwa uvumi wa pumzi kutoka puani mwake.

17 ^r“Alinyoosha mkono kutoka juu na kunishika;
alinitoa kutoka kilindi cha maji makuu.
18 ^sAliniokoa kutoka adui wangu mwenye nguvu nyingi,
kutoka adui zangu waliokuwa na nguvu nyingi kuliko mimi.
19 ^tWalinikabili siku ya msiba wangu,
lakini Bwana alikuwa msaada wangu.
20 ^uAlinileta nje mahali penye nafasi tele,
akaniokoa kwa kuwa alipendezwa nami.

21 ^v“Bwana alinitendea sawasawa na uadilifu wangu;
sawasawa na usafi wa mikono yangu amenilipa.
22 ^wKwa maana nimezishika njia za Bwana;
sijatenda ubaya nikamwacha Mungu wangu.
23 ^xSheria zake zote zi mbele yangu,
wala sijayaacha maagizo yake.
24 ^yNimekuwa sina hatia mbele zake,
nami nimejilinda nisitende dhambi.
25 ^z Bwana amenilipa sawasawa na uadilifu wangu,
sawasawa na usafi wangu machoni pake.

26 ^aa“Kwa yeye aliye mwaminifu unajionyesha kuwa mwaminifu,
kwa asiye na hatia unajionyesha kutokuwa na hatia,
27 ^{ab ac}kwa aliye mtakatifu unajionyesha kuwa mtakatifu,
lakini kwa aliyepotoka unajionyesha kuwa mkaidi.
28 ^adWewe huwaokoa wanyenyekevu,
lakini macho yako ni juu ya wenye kiburi
ili uwashushe.
29 ^aeWewe ni taa yangu, Ee Bwana.
Bwana hulifanya giza langu
kuwa mwanga.
30Kwa msaada wako naweza kushinda jeshi,
nikiwa pamoja na Mungu wangu
nitaweza kuruka ukuta.

31 ^af“Kuhusu Mungu, njia yake ni kamilifu;
neno la Bwana halina dosari.
Yeye ni ngao kwa wote
wanaokimbilia kwake.
32 ^agKwa maana ni nani aliye Mungu
zaidi ya Bwana?
Ni nani aliye Mwamba
isipokuwa Mungu wetu?
33 ^ahMungu ndiye anivikaye nguvu
na kufanya njia yangu kuwa kamilifu.
34 ^aiHuifanya miguu yangu kama miguu ya kulungu,
huniwezesha kusimama mahali palipo juu.
35 ^ajHuifundisha mikono yangu kupigana vita;
mikono yangu inaweza kupinda upinde wa shaba.
36 ^akHunipa ngao yako ya ushindi,
unajishusha chini ili kuniinua.
37 ^alHuyapanua mapito yangu,
ili miguu yangu isiteleze.

38“Niliwafuatia adui zangu na nikawaseta,
sikurudi nyuma mpaka walipoangamizwa.
39 ^amNiliwaseta kabisa, nao hawakuweza kuinuka tena;
walianguka chini ya miguu yangu.
40 ^anUlinivika nguvu kwa ajili ya kupigana vita;
uliwafanya adui zangu wasujudu miguuni pangu.
41 ^aoUliwafanya adui zangu wageuke na kukimbia,
nami nikawaangamiza adui zangu.
42 ^apWalipiga yowe, lakini hapakuwepo na yeyote wa kuwaokoa;
walimlilia Bwana, lakini hakuwajibu.
43 ^aqNiliwaponda kama mavumbi ya nchi;
niliwaponda na kuwakanyaga kama tope barabarani.

44 ^ar“Umeniokoa kutokana na mashambulizi ya watu wangu;
umenihifadhi mimi kama kiongozi wa mataifa.
Watu ambao sikuwajua wananitumikia,
45 ^asnao wageni huja wakininyenyekea,
mara wanisikiapo, hunitii.
46 ^atWote wanalegea,
wanatoka katika ngome zao wakitetemeka.

47 ^au“Bwana yu hai! Sifa ni kwa Mwamba wangu!
Atukuzwe Mungu,
Mwamba, Mwokozi wangu!
48 ^avYeye ndiye Mungu anilipiziaye kisasi,
ayawekaye mataifa chini yangu,
49 ^awaniwekaye huru toka kwa adui zangu.
Uliniinua juu ya adui zangu;
uliniokoa toka kwa watu wajeuri.
50 ^axKwa hiyo nitakusifu, Ee Bwana,
katikati ya mataifa;
nitaliimbia sifa jina lako.
51 ^ayHumpa mfalme wake ushindi mkuu;
huonyesha fadhili zake kwa mpakwa mafuta wake,
kwa Daudi na wazao wake milele.”